Nach  Christi   vnsers  Her=
ren  geburt  /  M. CCCC. Lvi. Jar/  hat  der  Dracole  Wayda  vil   erschrö=
ckenlicher   vnd   wunderbarlicher
ding  gethan  / als  her=
nach   geschriben
steht.

Zum  Ersten    /   hat  der  allt   Gu=
bernator  den  allten   Dracol  lassen   tödten.
Vnd  der   Dracol /   sampt   seinen   Brüdern/
seind   abgetretten   von  irem  Glauben/  ha=
ben verheissen  vnd  verschworen  den Chri=
stenlichen glauben zu beschirmen.
      Diser  Dracol  Wayda  (  als  yerzt  der  el=
test  vnter seinen Brüdern )  ist   desselbigen
Jars  gesetzt  worden  zu  einem  Herren  inn
der  Walachey :  Zuhand  hat  er  lassen  töd=
ten /   den  Laßla  Wayda  /  der  daselbst  ein
Herr  gewesen  ist.  Bald  hernach /  hat  er in
Sibenbürgen  /    auch   in   Würtzlandt   /   mit
nammen  Beckendorff /  lassen verbrennen /
sampt   vil   Mannen   vnnd   Frauwen  /  Jung

[2]

vnnd  Alle:  Etliche hat er mit  im  heym  ge[=]
fürt  in  die   Walachey /  an  eysenen  Ketten/
vnd allda gespisszt.
        Item/   Alle  junge  Knaben /   die  in sein
Landt  geschickt  seind  worden /   von  lehr=
nung  wegen  der spraach /  die hat  er in ein
Stuben  lassen  sperren /  vnnd  verbrennen/
Deren seind bey vierhundert gewesen.
        Item/    Er   hat   einen   friden   gemacht/
In   demselben   aber  /   hat   er  vil  Kaufleüt
vnd  Fuhrleüt  auß  Würztlandt  lassen  spis=
sen. Er hat  auch  ein  groß  Geschlecht auß
reütten lassen / vnd die ließ er spissen / von
dem  minsten  biß  zu  dem   maisten /  Jung
vnd Allt.
        Er  hat  seines  Volcks   etlichs  nackend
lassen eingraben  biß  zu dem Nabel /  vnnd
hat zu innen lassen schiessen: Hat auch et=
lich lassen bratten vnd schinden.
          Item  /     Es   seind   Botten    geschickt
worden   von   dem   Königreich   zu   Vngern/
Sachssen  vnd  Sibenbürgen / in  der  zal  60
in  die  Walachey /  die  hat  der   Dracol   fünf
wochen harren lassen / vnd  inen  vil  Spissz
für  die Herberg  zustellen befolhen / das  sie

[3]

also  in  grossen sorgen gewesen : Das  hat
er   darumb  gethan  /  er   forcht   verrätherey.
In  dem  ist  er  gezogen  in  Würtzlandt  /  hat
zerstrewet   das  Getrayd   /   vnnd  alle  frücht
lassen  verbrennen.   Vnd  das  Volck  ließ  er
gefangen  füren   ausserhalb   der   Kronstatt
(  also  genandt  )  alda  hat  der  Dracol   ge=
ruwet  bey   sanct  Jacobs  Cappellen  /  vnnd
hat   die  Vorstatt   lassen  verbrennen.    Auch
als  der  tag  des  Morgens  frü  kam  / ließ  er
Mann   vnd   Frawen  /   Jung   vnd   Allt  /   bey
der  Capellen  vmb  den  Berg  spissen /  vnd
hat sich  mitten  vnter sie  gesetzt  / das  Mor=
genmahl  mit   grossen  frewden   zuuor   mit
inen zuessen.
        Item /     Er   hat   auch   Sanct   Bartholo=
mei  Kirchen  lassen  verbrennen / unnd  alle
Ornat   vnd   Kelich   von   dannen   genomen.
        Er   hat  auch  seiner  Hauptmann  einen
in  ein  grosses  Dorff  geschickt / mit  namen
Zeinding   /   zuuerbrennen.       Aber   derselb
Hauptmann  der  mocht  das   Dorff   nit   ver=
brennen  /   vor   widerstandt   der    Dorffleüt :
Kam   wider  heym   zu   dem   Dracol  /  vnnd
sprach  zu  im:   Ich  hab  nit  mögen  verbrin=

[4]

gen /  das  du  mich  geheyssen  hast.     Von
stunden   hat   er   denselbigen   Hauptmann
spissen lassen.
        Item /   Es  seind  komen   Kaufleüt   vnd
ander   Volck  /   mit    irer    Kauffmanschafft /
von   Würtzlandt   gegen  der   Thonaw   gehn
Pregel /  in  der   zal  bey  sechßhundert /  die
hat der  Dracol all  lassen spissen/ vnd  inen
ir gut genommen.
        Item /  Dieser Dracol hat lassen machen
einen  grossen  Kessel / vnd darüber  brätter
mit   Löcher   gemacht  /   hat   die   Leüt   mit
den   Häuptern  dardurch  lassen  schieben /
vnnd  also  versperren : hat  den  Kessel  mit
Wasser  zufüllen / vnnd  ein  grosses  Fewer
darundter  zumachen  / befolhen  /  das  also
das  Volck  so  jämmerlich  geschreyen /  biß
sie gleich gar versotten seind[.]
        Item /   Erschrockenliche /   forchtsame /
vnaußsprechliche   pein    hat    Er    erdacht /
Nämlich  /   das   er    Mütter   vnd   Kind  /  an
Brüsten  seügende /  mit  einander  hat  las=
sen  spissen / das  die  Kind  den  Mütern an
den  Brüsten  gezabelt  haben   biß   inn  den
todt  :  Deßgleichen  hat   er  den  Mütern  die

[5]

Brüst   auffgeschnitten  /  vnd   die   Kind   mit
den  Häuptern  dardurch  gestossen  /   vnnd
beyde mit einander lassen spissen.
        Item  /   Er   hat   allerley   Volcks  /   Chri=
sten /  Juden  vnnd  Hayden / seytlingen  las=
sen spissen/darmit sie sich lang haben mö=
gen  rühren  vnnd   zabeln  /  vnnd   gewintzelt
durch   einander   als   die  Frösch.   Darnach
hat er in händ und  füß  auch lassen anspis=
sen/vnnd zu  inen in seiner spraach also ge=
redt :  Ey   wie   grosse   geradigkeit    treyben
sie / Also hat er sein frewd gehabt.
        Item /   Er  hat  auff  ein   zeyt   einen   Zy=
geüner  gefangen  /   der   hett   gestolen :  da
kamen  die  andern  Zygeüner /  vnnd   batten
den  Dracol  / er sollte  ihn  den  ergeben.  Da
sprach  er  :  Er müsst hangen / vnnd  ir müßt
ihn  selber  hengken.  Sie sprachen:  Es  wer
nit  ir  gewonheit.  Da  ließ  der   Dracole  den
Zygeüner in einem  Kessel sieden / vnd mü=
sten in die  andern Zygeüner essen  mit  flai=
sche vnd auch mit gebain.
        Item /   Es ward  auff  ein  zeyt  zu  im ge=
schickt   ein  erwürdiger  Mann /  der  kam  zu
im bey  den Leüten /  die er hett  also  lassen

[6]

spissen  (  dann der  Dracole  vnter  in  vmb=
gieng / vnnd  schawet  sie / deren  da  waren
als ein grosser Wald  )  vnd  sprach  zu  dem
Dracole  :  Warumb  geht  ir  also  vnter  dem
gestanck   vmb : Der   Dracole   sagt : Ob  es
ihn   auch  anstuncke :   Er  sprach :  Ja.   Da
ließ  er  ihn  von  stundan  auch  in  die  höch
spissen / auff das ihn  die  andern nicht  an=
stuncken.
        Item  /   Ein  Pfaff   hett   gepredigt  /   wie
das  die  Sünd  nit   vergeben   wurden / man
gebe  dann  das  vnrecht  gut   wider.  Da  lud
der  Dracol   denselbigen   Pfaffen  zu  Hauß/
vnd setzet  in  an  seinen  Tisch.   Der  Dracol
brocket  weyß  Brot  ein / welches  er  selbert
essen  wolt.  Der  Pfaff vnderstünd  der  bro=
cken einen /  vn aß den.  Der Dracol sprach :
Wie  hast  du  heüt  gepredigt  /  dz  die  Sünd
nicht  vergeben  wirt  /  man  gebe  dann  das
vnrecht    gut   wider :  Der   Priester   sprach /
Ja.    Der   Dracole  saget  :   Warumb  issest
du  dann  mein  brot / das ich mir hab einge=
brocket :  Vnnd  von  stundan  spisset  er den
Priester.
        Item /   Der  Dracole  kam  in   Sibenbür=

[7]

gen  gehen  Kalmotz /  daselbst   hat   er   die
Menschen  lassen  hangken  als  das  Kraut /
die  ubrigen  hat  er  heym  gefürt /  vnnd  ge=
spisszt.
        Item /   Er   hat   alle  seine  Landsherren
vnnd   Edelleüt   in   seinem   Land   zu  Tisch
geladen :  vnnd  da   die  mahlzeyt   verbracht
was  /  da  hub  er  an  dem  eltest  an  /  vnnd
fraget  :  Wie   vil   er    Wayda   (  die   in   dem
Land  Herren  sein  gewesen )  gedächt :  Al=
so fraget er einen nach  de  andern.  Vnd  sie
sagten  als  vil  ein  yeder  wußt  /  Einer  sagt
fünfftzig / der  ander  dreyssig :  Also  wz  kei=
ner  vndter in /  er  sagt  von siben : Da ließ er
sie  all  spissen / deren waren in der  zal bey
fünffhundert.
        Item /   Er   hat    Leüt   auff    Schleyffstai=
nen zu  todt  lassen  schleiffen /  vnnd  vil  vn=
menschlicher   ding   gethan /  die   man   von
im sagt.
        Item /   Er   hett   ein   Schlaaffweyb  /   die
gab  sich  auß / sie  wer schwanger  von  ihm
worden :  Da  ließ  der   Dracol   die  Frauwen
beschawen  mit  den  Hebammen / die  sag=
ten sie  wer  nicht schwanger.  Da schneyd er

[8]

dasselb   Schlaaffweyb   von    vndten   auff  /
biß  zu  den  Brüsten /  vnd  sprach /  Er  wollt
besehen/ wo sein frucht wer/ oder wo er ge=
wesen wer.
        Item /   Botten  seind  geschickt   worden
auß  der  Hermanstat  in  die  Walachey / die
haben  gsagt  daheymen solchen  jamer / dz
sie Todter  vnd  gespisszter  Leüt / als  einen
grossen Wald gesehen haben.
         Anno     Domini      M.  CCCC.  Lxii.     Ist
der  Dracole kommen in die  grossen  Schil=
thaw / da  hat  er  lassen  tödten  mehr  dann
fünffundzweintzig   tausent   Menschen  /  al=
lerley  Volcks /  Christen  /  Juden  und   Hey=
den : vnter  denen  seind die aller  schönsten
Frawen  unnd   Jungkfrawen  gewesen  /  die
durch  sein  Hofgesind behalten seind  wor=
den / vnd hatten  den  Dracole / das ers  inen
zu   Ehelichen  Weybern  gebe.   Da  ließ  der
Dracole   die   Mann  mit  sampt   den   Frau=
wen  vnn  Jungkfrawen   zerhacken  mit   Sä=
beln   vnnd    Schwerdtern   als   das    Kraut :
Das   hat   er   darumb  gethan  /   das   Land
ist dem  Türcken  Zynßbar  geweßt /  vnd der
Türck  hat   den  Zynß  offt   an  ihn  erfordert :

[9]

also sagt er  gehn  dem  Botten / er  wöllt  ihn
selber  raichen.  Er  zohe  in  das  Landt  /  da
reytet  man im  entgegen  des  Zynß halben /
meinende  dem   Kayser  allda   zu   bringen /
also  kam  ein  Hauff  nach dem  andern.  Do
der  Dracole  sahe /  das  sein  zeyt  was /  da
schlug er  die all  zu  todt / die ihm  entgegen
waren  geritten / wan sie sich  des nicht  ver=
sehen  hetten.   Vnd  der   Dracole  verbrandt
die    gantzen   Wulgarey.    Er   ließ   alle   die
Menschen / die er gefahen mocht / spissen /
dero  waren  in  der  zal   bey   fünffundzwein=
tzig  tausent / ohn  die  in  dem  Fewr  verdur=
ben.
        Item /   Er   sahe  einen   Mann   arbeyten
in einem kurtzen  Hembd /  da  fraget  er  den
Mann  /  ob   er   ein   Weyb  hett :  Er  sprach /
Ja.   Der  Dracole  hieß sie  für  ihn  bringen /
vnnd   fraget   sie  /  Was  sie   arbeytet  :   Sie
sprach :  Ich  wasch / bach  vnnd  spinn.  Zu=
hand ließ er sie spiessen / darumb / das sie
ihrem   Mann  kein  langes  Hembd  hett  ge=
macht :  vnd  gab  im  ein  ander   Weyb /  vnd
sprach :  Sie   sollt   im   lang    Hembd   ma=
chen / oder er wolt sie auch spissen.

[10]

        Item  /   Es   kamen   in  sein  Landt   bey
dreyhundert  Zygeüner / da  nam  er  die  be=
sten drey auß inen  /  vnd ließ sie braten / die
musten die andern essen : vnd sprach zu in :
Also mußt ir all einander  fressen / oder  zie=
het  an  die  Türcken.  Des  ware  die  Zygeü=
ner   fro  /  an  die  Turcken   zustreyten.   Also
ließ  der  Dracole  Rossz  und  Mann  in  Kü=
heütten  kleyden.  Da  nun  die  Zygeüner  an
die Türcken kamen / da scheuchten sich der
Türcken  Rossz vor  dem  rauschen  der  Kü=
heüt / vnd gaben die  flucht an  das  wasser /
da   ertruncken  der   Türcken  gar   vil  /   Also
sygten die Zygeüner ob.
        Item /    Dem  Dracole  ist   ein   Mönich /
Barfusser  Ordens  /  auff  einem  Esel   reyt=
tende  / vndter  wegengegegnet  / denselben
Mönich  hat  er  sampt   dem  Esel  auff   ein=
ander gespisset.
        Item /  Es  wurden  zu  ihm  geschickt et=
lich  Wahlen :  Als  sie  zu  im  kamen / nayg=
ten sie sich / vnd  theten die Hut  ab / und die
Pyrret   darundter    behielten   sie   auff.    Da
fraget  er /  Warumb  sie   die  Häublein  auch
nicht  abtheten :  Sie  sagten :  Es wer ir ge[=]

[11]

wonheit /  vnd   theten  sie  gegen  dem  Key=
ser  nicht   ab.  Der  Dracole  sprach :  Ich  wil
euch  das  bestetten.  Zuhand  ließ  er  ihnen
die  Pyrret  an  die   Häupter  an   nageln  da=
mit  das in  die  Häublein  nicht   abfielen /  vn
ir  gewonheit  blib /  Also  bestätiget   ers  mit
dem.
        Item /   Es  seind   zwen  Mönnich   kom=
men  in  sein  Land /  die hat er  geladen / sie
sollen  zu  ihm  kommen / das geschach.  Da
nam  er   den   einen   Mönnich /  vnnd  fraget
in / Was  man  gutes  von  ihm  saget :  Diser
Mönnich  forcht  sich  sehr/ vnn sprach :  Man
sagt  alle s guts  von  euch / vnnd  ir seyt  gar
ein   frommer   Herr.  Das  sag  ich  auch  von
euch.  Er  hieß  disen   Mönnich   behalten.
Vnnd   man  bracht   ihm   den  andern   Mön=
nich  / der  ward   von  ihm   gefragt /  wie  der
Erst:     Da    gedacht   diser    Mönnich  /    Ich
muß  doch sterben / ich  will  im  die  warheit
sagen /  vnd sprach :  Ir  seyt  der  gröst  Wü=
terich  den  man   finden  mag   in  der   Wellt:
vnnd  keinen  Menschen  hab  ich  gesehen /
der  euch  ye  guts nachsaget / vnd  das habt
ihr   wol  bewysen.  Da  sprach  der   Dracole:
Du   hast   mir   waar   gesagt /   darumb   will

[12]

ich dich leben lassen / vnd  ließ  in  ledig.  Er
schicket   wider  nach  dem  ersten  Mönnich
vnd  vermaint  / er  wurd  im  auch  die  war[=]
heit  sagen.  Da sagt  er  wie  vor.  Der  Dra[=]
cole  sprach : Nembt  ihn hin /  vnnd ließ ih[n]
spissen/ darumb das er gelogen hett.
        Item /  Er ließ  Kinder  braten /  die mü[=]
sten ire Müter essen / hernach schneydet  er
den  Frawen  ire  Brüst  ab / die  musten  ihre
Männer essen/Zuletst ließ er sie all spissen.
        Item / Er ließ allen  Betlern / die  in sei[=]
nem  Land  waren / ein gute  mahlzeyt / be[=]
reyten / nach dem mahl aber / ließ  er  sie  in
dem   Stadel   (  darinn  sie   geessen  hetten
versperren / vnd  verbrändt  sie  all :  Er ve[r=]
maint / sie  essen den  Leüten  das  ihr  vn[=]
sonst  ab / vnd  kündten  das  nit  verdienen.
        Bald  hernach  da  fieng  ihn  der  Kön[ig]
von  vngern  /  behielt  in  vil   zeyt  härtigkli[ch]
gefangen.       Nach   dem   macht   der  K[ö=]
nig  den   Dracole  Wayda  wider   zu  eine[m]
Herren  /  als  vor : Vnnd  man  sagt  / er  h[at]
hernach  vil  gutter  sachen  außgericht  u[nd]
bewisen.



[13]